ಬದುಕಿನ ಬಣ್ಣನೆ

ಬದುಕು ಸವೆಯುವ ಮುನ್ನ 

ಸವಿದರೆಷ್ಟು ಚೆನ್ನ

ಚಿಗುರಿದೆನು ಹಿಂದೊಮ್ಮೆ 

ಮುದುರುವೆನು ಮುಂದೊಮ್ಮೆ 

ಚಿಗುರುವಾಗ ತವಕ 

ಮುದುರುವಾಗ ಮರುಕ 

ತವಕ ಮರುಕಗಳ ಮೀರಿ 

ಬೆಳೆಯುತಿಹೆ ನೀರು ಬೆಳಕನು ಹೀರಿ 

ಸೇರುವ ಜಾಗವನು ಚಿಂತಿಸದಿರು ನೀನು 

ಸಾಗುತಿಹ ದಾರಿಯಲಿ ಸಂತಸವ ಕಾಣು 

ನಿನ್ನೆ ಏನೆಂಬುದು ಕನಸುಗಳ ಕಂತೆ 

ನಾಳೆ ಏನೋ ತಿಳಿಯದು, ಮಾಡದಿರು ಚಿಂತೆ 

ಪ್ರತಿ ನಿಮಿಷ ಕಾಣುವುದು ಥರ ಥರದ ಬಣ್ಣ 

ತೆರೆದು ನೋಡು ನಿನ್ನ ಆಂತರ್ಯದ ಕಣ್ಣ 

ಬದುಕು ಸವೆಯುವ ಮುನ್ನ 

ಸವಿದರೆಷ್ಟು ಚೆನ್ನ!!